د لوړو زده کړو وزارت اړوند د کابل طبي علومو پوهنتون دوه اضافې ملکيتونو اعلان ته سپارل.
د لوړو زده کړو وزارت په پام کې لري، چې لاندې ملکیتونه په جلا جلا توګه د بند سر افر په بڼه د داوطلبۍ خبرتیا ته وسپاري، چې ځانګړتياوې یې په لاندې ډول دي.
۱ـ د (۶۲۵) متره مربع مساحت په درلودلو سره یو باب کفټريا چې د کابل د طبي علومو پوهنتون په انګړ کې موقعیت لري.
۲ـ د (٩) متره مربع مساحت په لرلو سره د یو باب کانټين چې د میوند روغتون په ساحه کې موقعيت لري.
هغه حقيقي او حکمي اشخاص چې د پورته ذکر شويو ملکيتونو د داوطلبۍ په پروسه کې د ګډون غوښتونکي وي، کولای شي خپل خپل افرونه د لوړو زده کړو وزارت اداري او زیربنا ریاست د املاکو او اسکان امريت (۱۴) شمېره اطاق ته، چې د کابل ښار څلورمه کارته کې موقعيت لري، وسپاري او له کتنې وروسته د کابل طبي علومو پوهنتون کفټريا شرطنامه د (۳۰۰۰) افغانيو په بدل او د ميوند روغتون کانټين شرطنامه د (۲۰۰۰) افغانيو په بدل کې بې له واپسۍ ترلاسه کولای شي.
د کابل طبي علومو پوهنتون کفټريا داوطلبۍ ( بولۍ) غونډه د 12/4/1402 نېټې دوشنبې ورځ د سهار په لس بجو او ميوند روغتون داوطلبۍ(بولۍ) غونډه د 13/4/1402 نېټې د سه شنبې په ورځ سهار په لس بجو د لوړو زده کړو وزارت اداري او زیربنا ریاست د املاکو او اسکانو امريت کې ترسره کېږي.
