په پولي تخنیک پوهنتون کې د امارتي تحصیلي بنسټونو یو شمېر استادانو ته د لوړو زده کړو تحصیلي دریڅې (HELP) او د لوړو زده کړو مدیریتي سیستم (HELMS) په اړه درې ورځنی روزنیز ورکشاپ پیل شو.
یاد ورکشاپ د امارتي تحصیلي بنسټونو یو شمېر استادانو لپاره د لوړو زده کړو وزارت د علمي برنامو پراختیا ریاست له لوري د معلوماتو شریکولو او د الکترونیکي زده کړو لار ښوونې په موخه پیل شو.
د لوړو زده کړو وزارت د علمي برنامو پراختیا رياست رئیس او د کابل پولي تخنیک پوهنتون سرپرست رئیس انجنیر سردارولي صالحي په دغه ورکشاپ کې د ګډون تر څنګ د ورکشاپ له پیل خوښي وښوده او له ګډونوالو یې وغوښتل، چې په ورکشاپ کې د پرېزېنټیشنونو پر مهال د استادانو له لوري ورکړل شویو معلوماتو ته پوره دقت وکړي او د ا.ا.ا د پالیسۍ مطابق پرې عمل وکړي.
همدارنګه د کابل د ښوونې او روزنې پوهنتون استاد پوهنوال دوکتور صدیق الله بارکزي د برېښنايي زده کړو د پېژندنې، د برېښنايي زده کړو موډلونو، د برېښنايي زده کړو د ګټو او ننګونو او یو لړ نورو اړوندو موضوعاتو په اړه ګډونوالو ته معلومات وړاندې کړل.
نېته: دوشنبه
۱۴۴۶ هـ.ق د جمادی الاول ۹مه
۱۴۰۳ هـ.ش د عقرب ۲۱مه
۲۰۲۴ م د نومبر ۱۱مه
