تېر کال په میوند تدریسي روغتون کې تر درې لکه زیاتو ناروغانو ته طبي خدمات وړاندې شوي دي.
د مسؤلینو په وینا، د میوند تدریسي روغتون لخوا په ترسره شويو روغتیایی خدماتو کې لابراتوار، الټراساونډ (ایکو)، د زړه ګراف (ECG)، آډیو میټري، ډیجیټل ایکسرې، ساده ایکسرې او واکسین شامل دي، چې د دې خدماتو سربیره په یاد روغتون کې د شپږ زره نورو ناروغانو عملیات هم ترسره شوي دي.
د يادونې وړ ده، چې ميوند تدریسي روغتون په تېرو دوو کلونو کې په ډېرو امکاناتو سمبال شوى، چې د ناروغانو لپاره د روغتيايي خدماتو په وړاندې کولو کې يې د پام وړ پرمختګ کړى دى.
