د امارتي او خصوصي تحصیلي نهادونو شپږو علمي مجلو ته جوازونه ورکړل شول
د لوړو زده کړو وزارت څېړنې، تألیف او ژباړې ریاست د روان ۱۴۰۴هـ.ش کال په جوزا میاشت کې د هېواد په تحصیلي نهادونو کې د علمي څېړنو عامولو او معیاري کولو په موخه، شپږو علمي څېړنیزو مجلو ته د فعالیت جوازونه ورکړل، چې د کابل ښوونې او روزنې پوهنتون «ژبو او ادبیات» مجله، د غزني تخنیکي پوهنتون «د زرکشان انجنیري مطالعات» مجله، خاتم النبیین صلی الله علیه وسلم خصوصي پوهنتون «سیاسي او نړیوال مطالعات» مجله، تابش خصوصي پوهنتون «تابش» علمي څېړنیزه مجله، رازي خصوصي لوړو زده کړو موسسه «رازي» مجله او ملالۍ خصوصي لوړو زده کړو موسسې «ملالۍ» علمي څېړنیزې مجلې جوازونه پکې شامل دي.
د یادونې وړ ده چې د لوړو زده کړو وزارت څېړنې، تألیف او ژباړې ریاست په هېواد کې د اسلامي امارت له حاکمیت وروسته شاوخوا ۱۰۰ مجلو/ ملي او نړیوالو ژورنالونو ته د فعالیت جوازونه ورکړي دي، چې په مختلفو علمي څېړنیزو برخو کې فعالیت کوي.
