د مرکزي پوهنتونونو د محصلانو چارو رییسانو او مرستیالانو د لوړو زده کړو وزارت علمي او محصلانو چارو له معینانو سره ناسته ترسره کړه
۱۴۰۰کال، د لېندۍ ۴مه
د مرکزي پوهنتونونو د محصلانو چارو رییسانو او مرستیالانو د لوړو زده کړو وزارت علمي او محصلانو چارو له معینانو سره ناسته ترسره کړه.
په دغه ناسته کې چې د لوړو زده کړو وزارت مرکزي ادارو ځينو رییسانو او سلاکارانو هم حضور درلود، د مرکزي پوهنتونونو پر ستونزو یې بحث وکړ او د هېواد ځوانانو لپاره یې د غوره زده کړو پر زمینه برابرولو ټينګار وکړ.
د لوړو زده کړو وزارت علمي معین دوکتور لطف الله خیرخواه، چې د دغې ناستې مشري یې هم کوله، وویل: «په ښه نیت او صداقت سره خدمت، د خلکو د ستونزو د له منځه تلو لامل ګرځي.»
د دغې ناستې هر یوه غړي د هېواد ځوانانو لپاره د غوره تحصیلاتو زمینې برابرولو په موخه خپل نظرونه او وړاندیزونه وړاندې کړل او لازمې پرېکړې یې وکړې.
