د افغانستان لوړو زده کړو سرپرست وزیر د پاکستان یو شمېر مهمو تعلیمي او تحصیلي بنسټونو له استازو سره لیدنې ترسره کړې.
د افغانستان لوړو زده کړو سرپرست وزیر د پاکستان یو شمېر مهمو تعلیمي او تحصیلي بنسټونو له استازو سره لیدنې ترسره کړې.
تېره یکشنبه د (لېندۍ په ۱۴مه) د لوړو زده کړو سرپرست وزیر مولوي عبدالباقي حقاني د ګاونډي هېواد پاکستان په رسمي بلنه یاد هېواد ته د یوه تخنیکي هیئت په مشرۍ سفر وکړ.
نوموړي په یاد سفر کې د پاکستان د لوړو زده کړو کمیسیون، د مسلکي او حرفوي روزنې ملي کمیسیون او همدارنګه په اسلام آباد کې د دغه هېواد د (ملي نصاب) د ادارې له مسؤلینو سره ناستې ترسره کړې، چې په دغو ناستو کې د هېواد دننه په تعلیمي او تحصیلي بنسټونو کې پر شته ستونزو او همداراز په پاکستان کې د افغان زده کړیالانو د ستونزو د حل په موخه خبرې وشوې، چې د کوربه هېواد له لوري د مرستې پوره ډاډ ورکړل شو.
همدارنګه د دواړو اړخونو له لوري د شته ستونزو له منځه وړولو او ښې همکارۍ په موخه پر دوامداره اړیکو ټينګار وشو.
