د لوړو زده کړو وزارت د علمي او محصلانو چارو معینیتونو د شوراګانو ګډه ناسته تر سره شوه
۱۴۰۰کال، د کب ۱۷مه
د لوړو زده کړو وزارت د علمي او محصلانو چارو معینیتونو د شوراګانو ګډه ناسته تر سره شوه.
په دغه ناسته کې د لوړو زده کړو وزارت علمي معین دوکتور لطف الله خیرخواه، د محصلانو چارو سرپرست معین او د خصوصي محصلانو چارو رئیس انجنیر سید اسماعیل روحاني، د لوړو زده کړو وزارت سلاکارانو او د مرکزي ادارو یو شمېر ریسانو ګډون کړی و.
په دغه ناسته کې له اجنډا سره سم د تېرې شورا پرېکړو ته د بیا کتنې تر څنګ، د تخنیکي او مسلکي زده کړو له ادارې سره د ګډو همکاریو، په ټاکلې موده کې د ماسټرۍ پروګرامونو د محصلانو له لوري د تېزس نه دفاع کولو، د هرات پوهنتون د اندیشه فصلنامې د چاپ پر مالي لګښت او یو شمېر نورو موضوعاتو بحث او لازمې پرېکړې وشوې.
دغه راز د شورا غړو پرېکړه وکړه، چې ټول دولتي تحصیلي بنسټونه باید د راتلونکو ۶ میاشتو په جریان کې د تضمین کیفیت او اعتبار ورکونې پروسې لپاره تیاری ونیسي.
