په ننګرهار پوهنتون کې د کادري بستونو له ۱۰۴ تنو کاندیدانو ازموینه واخېستل شوه.
په ننګرهار پوهنتون کې د کادري بستونو له ۱۰۴ تنو کاندیدانو ازموینه واخېستل شوه.
د لوړو زده کړو وزارت علمي معین دوکتور لطف الله خیرخواه او د ننګرهار پوهنتون رئیس پوهاند دوکتور خلیل احمد بهسودوال د ازموینې بهیر څخه د لیدنې پر مهال استادانو ته سپارښتنه وکړه، چې ګډونوالو کاندیدانو ته په ښه توګه لارښوونه وکړي او ازموينه دې د علمي نورمونو او اصولو سره سمه په شفافه توګه واخيستل شي، چې د هغوی له خوا د اجرااتو ډاډ ورکړل شو.
یاده د انګلیسي او عربي ژبې ازموینه د ننګرهار پوهنتون د ژبو او ادبیاتو پوهنځي له خوا د اقتصاد پوهنځي د ملي اقتصاد، ساینس پوهنځي د بیولوژي او کېمیا، طب پوهنځي د بیزیک ساینس، حقوقو او سیاسي علومو پوهنځي د عامه حقوقو، ښوونې او روزنې پوهنځي پښتو او ژورنالېزم پوهنځي د عامه اړېکو څانګو د اعلان شویو کادري بستونو لپاره واخیستل شوه، چې ۱۰۴ تنو کاندیدانو په کې ګډون درلود.
د یادونې ده چې تر دې وړاندې هم د هېواد د یوشمیر پوهنتونونو د کادري بستونو ازموینې اخېستل شوې دي.
