د لوړو زده کړو سرپرست وزیر په شتون کې د کاري پروسو اسانولو او د تفاهم نامو لاسلیکولو غونډه ترسره شوه.
د لوړو زده کړو سرپرست وزیر په شتون کې د کاري پروسو اسانولو او د تفاهم نامو لاسلیکولو غونډه ترسره شوه.
دغه غونډه چې د ا.ا.ا د اطلاعاتو او رسنیو مرکز له لوري په مرمرینه مانۍ کې برابره شوې وه، د لوړو زده کړو وزارت، د چارو ادارې لوی ریاست، د اداري اصلاحاتو او ملکي خدمتونو اداره، د کډوالو او راستنېدونکو چارو وزارت، د کار او ټولنیزو چارو وزارت او د تخنیکي او مسلکي زده کړو ادارې رهبرۍ، د دولتي او خصوصي رسنیو استازو پکې ګډون کړی وو.
په یاده غونډه کې د لوړو زده کړو سرپرست وزیر الحاج مولوي عبدالباقي حق اني وویل،" له ۴۳ کلن جنګ راوتلی افغانستان په تحصیل او خلکو ته په کارونو کې د اسانتیاوو په برابرولو سره ابادېدای شي او د اسلام مبارک دین له نظره خلکو سره د ژوند په ټولو حالاتو کې اسانتیا کول لازم دي."
سرپرست وزیر زیاته کړه، د لوړو زده کړو وزارت هغو استادانو ته چې هېواد کې دي، د جذب اسانې لارې او سهولتونه برابروي.
دغه راز ښاغلي حق اني، بهر ته تللو استادانو باندې غږ وکړ، چې خپل هېواد ته راستانه شي، دلته خدمت وکړي، ترڅو دا ملت اباد شي او خودکفاء وګرځي.
د غونډې په وروستۍ برخه کې د یادې رهبرۍ له لوري د وزارتونو او ادارو ترمنځ د ګډې همکارۍ، پرېکړې او تفاهمنامې لاسلیک شوې.
