د لوړو زده کړو وزارت د بیرون مرزي تحصیلي اسنادو د ارزونې او معادلت ریاست مسؤلان وایي، چې د بیرون مرزي
5/11/1443
15/3/1401
د لوړو زده کړو وزارت د بیرون مرزي تحصیلي اسنادو د ارزونې او معادلت ریاست مسؤلان وایي، چې د بیرون مرزي تحصیلي اسنادو د تطبیق په برخه کې پوره روڼتیا ته پام کېږي او ټول بیرون مرزي اسناد د یوه ځانګړي کمیسیون له لارې ارزول کېږي.
د بیرون مرزي تحصیلي اسنادو د ارزونې او معادلت ریاست د مسؤلانو په وینا د اسنادو د ارزونې کمیسیون غړي د څانګې، مسلک او کاري تجربې پر اساس ټاکل شوي او په اونۍ کې دوه ځلې د لاندې مواردو په پام کې نیولو سره، د تحصیلي اسنادو ارزونه کوي:
1. د محصل د قانوني ديپولوماتیکو پړاوونو د طی کولو له تکمیل څخه دقیقه ارزونه
2. د فارغ التحصیل د تحصیلي دوران د ویزې چک کول
3. له میزبان هېوادونو څخه د رسمي اېمېل له لارې د تحصیلي دورې د تکمیل د څرنګوالي په اړه د معلوماتو غوښتل
4. د اړوندو هېوادونو د تحصیلي بنسټونو د معیاري او معتبر والي په موخه د هغوی د ملي او یونسکو کتابونو ته مراجعه کول
5. د تحصیلي څانګې، د تحصیل د بڼې تکمیلوالي او نورو موضوعاتو لپاره د اړوند تحصیلي بنسټ وېبپانې او پورتالونو ته مراجعه کول
د نوموړي ریاست مسؤلان وایي، چې دغه ریاست په اوسط ډول په میاشت کې شاوخوا ۱۲۰ تحصیلي سندونه طی مراحل کړي او که چېرې له دې هم زیات شي، د طی مراحل لپاره یې تیاری لري.
