د لوړو زده کړو سرپرست وزیر کندهار ولایت ته د رسمي سفر په ترڅ کې د کندهار پوهنتون له مسؤلینو سره لیدنه ترسره کړه.
16 جوزا 1401
1443/11/6
د لوړو زده کړو سرپرست وزیر کندهار ولایت ته د رسمي سفر په ترڅ کې د کندهار پوهنتون له مسؤلینو سره لیدنه ترسره کړه.
په دې ليدنه کي د لوړو زده کړو سرپرست وزير الحاج مولوي عبدالباقي حقاني او ور سره پلاوي، د کندهار پوهنتون رئېس پوهنوال ډاکټر محمد زکريا اميرزاده، د محصلانو چارو مرستيال پوهندوی فيض الله قاضي زاده، د مالي او اداري چارو مرستيال انجينر محمد ناصر نيکزاد، د پوهنځيو رئېسانو، استادانو او اداري کارمندانو ګډون کړی وو.
د یادې لیدنې پرمهال د لوړو زده کړو سرپرست وزير الحاج مولوي عبدالباقي حقا ني وویل، '' د ا.ا.ا نظام د تعلیمي او تحصيلي بنسټونو تقويې ته ژمن دی؛ نو راځئ، چې د دې هېواد ځوان نسل ته د اسلامي اصولو او احکامو ښوونه وکړو او د ساينسي علومو په ذریعه عام اولس ته د سهولتونو او اسانتياوو تر ټولو ښه زمينه برابره او چمتو کړو.''
سرپرست وزیر زیاته کړه، '' د ا.ا.ا د لوړو زده کړو وزارت د هېواد علمي کادرونو ته احترام لري، د جذب له پاره يې معيارونه ثابت دي؛ خو د کادرونو د احترام په خاطر بايد د استخدام په پروسه کي سهولتونه او اسانتیاوې برابرې شي.''
بل لور ته د کندهار پوهنتون رئیس پوهنوال محمد زکریا امیرزاده د یاد پوهنتون اړوند ځیني ستونزې د لوړو زده کړو سرپرست وزیر سره شرېکې کړې، چې د ممکنه ستونزو حل کېدو ډاډ ورکړل شو.
