د لوړو زده کړو وزارت معلوماتي ټکنالوژۍ د رئیس په مشرۍ د مرکز او زونونو دولتي پوهنتونونو تر منځ د ( Afghan X) الکترونیکي زده کړو سیسټم د فعالولو په موخه ناسته وشوه.
۱۴۴۴/۱/۱۶
۱۴۰۱/۵/۲۳
په یاده ناسته کې د مرکز پوهننتونو مسؤلانو په حضوري او د زونونو پوهنتونونو استازو په انلاین ډول ګډون کړی و.
د لوړو زده کړو وزارت د معلوماتي ټکنالوژۍ رئیس انجنیر احمد ضیا جبارخېل د یاد سیسټم په اړه معلومات وړاندې کړل او ویې ویل چې دغه سیسټم په تېر نظام کې د هند بمبیي انسټیټوټ له لوري جوړ او له وزارت سره یې تړون کړی و او له فتحې وروسته غیر فعال شوی دی.
همدارنګه د پوهنتونونو د معلوماتي ټکنالوژۍ استازو د یاد سیسټم پر ارزښت خبرې وکړې او پر فعالولو یې ټينګار وکړ.
د یادولو وړ ده چې زده کړیالان کولی شي په دغه سیسټم کې په پښتو، دري او انګلیسي ژبو د استادانو له لوري اپلوډ شوي معلومات ولولي.
