د لوړو زده کړو وزارت بشري سرچینو ریاست له لوري د کندهار پوهنتون، د افغانستان د زراعتي علومو او ټکنالوژۍ ملي پوهنتون او د ابراهیم نخعي رحمه الله جامعې نویو مقررو شوو کارمندانو لپاره د ظرفیت لوړونې ورکشاپ پای ته ورسېد.
د لوړو زده کړو وزارت د بشري سرچینو رئیس مفتي عبدالکریم امیري په مشرۍ یوه پلاوي کندهار ولایت ته د رسمي سفر په ترڅ کې د دغه ولایت یادو تحصیلي بنسټونو نویو مقرر شوو کارمندانو ته د اداري پروسیجرونو، د اداري اسنادو مدیریت او پلان جوړونې په برخه کې درې ورځنی روزنیز ورکشاپ ورکړل شو.
د لوړو زده کړو وزارت د بشري سرچینو رئیس د ورکشاپ له ګډونوالو وغوښتل، چې له زده مهارتونو په خپلو ورځنیو چارو کې ګټه واخلي او د ادارې د موخې په تر لاسه کولو کې خپل مسؤلیت ادا کړي.
د یادولو وړ ده چې په دغه ورکشاپ کې شاوخوا ۶۷ کارکوونکو ګډون کړی وو، چې دری ورځې یې دوام وکړ.
