موسسه تحصیلات عالی لوگر از شانزدهمین سال تصویب قانونی اساسی کشور بزرگداشت بعمل آورد
محفلی که به این مناسبت در تالار قانون اساسی مقام ولایت لوگر برگزار شد، معاون مقام ولایت لوگر، رییس، استادان و کارمندان موسسه تحصیلات عالی لوگر، مسوولین ارگان های امنیتی، شماری از مسوولین ادارات مختلف این ولایت، علما و متنفذین شرکت نموده بودند.
در محفل یاد شده سخنرانان ضمن تاکید بر تطبیق مواد قانون اساسی در کشور، قانون اساسی افغانستان را در سطح منطقه قانون جامع و بی بدیل عنوان نمودند.
پوهنمل عبدالناصر"ستانکزی" رئیس مؤسسه تحصیلات عالی لوگر پیرامون اهمیت قانون اساسی، حقوق و وجایب اتباع در قانون اساسی کشور صحبت نموده گفت:" قانون اساسی عالی ترین سند حقوقی یک کشور می باشد که سایر قوانین در مطابقت به آن تنظیم می گردد".
تورن جنرال محمد نبی احمدزی معاون مقام ولایت لوگر در رابطه به مواد قانون اساسی و تطبیق آن صحبت نموده بر عملی نمودن تمام ماده های آن تآکید ورزید.
همچنان رئیس څارنوالی استیناف و رئیس ارشاد، حج و اوقاف ولایت لوگر در مورد قانون اساسی و قوای سه گانه کشور معلومات همه جانبه ارایه نمودند.
