د لوړو زده کړو وزارت د محصلانو چارو معین په مشرۍ د محصلانو د جذب ظرفیت په اړه د امارتي پوهنتونونو له رئیسانو سره انلاین ناسته وشوه.
په دغه ناسته کې د محصلانو چارو معین مفتی محمد طاهر احمد، په داسې حال کې چې د دغه وزارت علمي معین دوکتور لطف الله خیرخواه، د مرکزي ادارو یو شمېر رئیسانو او د تحصیلي بنسټونو مسؤلینو په آنلاین او حضوري بڼه شتون درلود.
په پیل کې د محصلانو چارو معین وویل چې موږ ټولو ته مسؤلیتونه راسپارل شوي او د دغو مسؤلیتونو په صداقت سره ترسره کولو مسؤل یو، همدارنګه نوموړي مسؤلینو ته یو لړ سپارښتنې هم وکړې.
په پای کې د امارتي تحصیلي بنسټونو رئیسانو د راتلونکي تحصیلي کال لپاره د کانکور ازموینې لپاره د محصلینو د جذب طرفیت په اړه خپلې پوښتنې شریکې کړي او د وزارت رهبرۍ لخوا يې پوښتونو ته ځوابونه وویل شول.
