د یوې ټولنې مادي او معنوي پرمختګ په زده کړو پورې تړلی او د زده کړو بنسټیز عنصر تعلیمي او تحصیلي نصاب دی
د هېواد تحصیلي نهادونو کرنې څانګو دویم ګروپ د لسو څانګو دویم پړاو کلسټر په پرانیسته کې د لوړو زده کړو وزارت د تحصیلي نصاب رئیس مفتي عبدالرؤف فراهي وویل چې د یوې ټولنې مادي او معنوي پرمختګ په زده کړو پورې تړلی او د زده کړو بنسټیز عنصر تعلیمي او تحصیلي نصاب دی او زیاته یې کړه: «که موږ دا اساسي برخه قوي او پرختللې کړو، نو د ټولنې په هره برخه کې پرمختګ او ښې پایلې تر لاسه کولی شو.»
د تحصیلي نصاب رئیس د کلسټر ګډونوالو ته وویل چې موږ او تاسو باید د تحصیلي نصابونو د بیاکتنې او پراختیا دا راسپارل شوی مسؤلیت د ولس خدمت وګڼو او د ثواب په نیت یې ښه په دقت سره ترسره کړو.
همدارنګه د تحصیلي نصاب د ملي کمېسیون غړي پوهنوال داود شاه فاروق وویل چې د کلسټر په دویم پړاو کې به د کرنې څانګو د نصابونو پر مضامینو، مفرداتو، موخو او متوقعه پایلو او منابعو کار وشي.
نېټه: شنبه
۱۴۴۶ هـ.ق د رجب المرجب ۲۴مه
۱۴۰۳ هـ.ش د سلواغې ۶مه
۲۰۲۵ م د جنوري ۲۵مه
