په کندهار پوهنتون کې د ۷.۵ میلیونه افغانیو په ارزښت د انجنیري پوهنځي د نیمه کاره ودانۍ پاتې چارې پیل شوې
د لوړو زده کړو وزارت په مالي لګښت په کندهار پوهنتون کې د ٧.٥ میلیونه افغانیو په ارزښت د انجنیري پوهنځي د نیمه کاره ودانۍ د پاتې چارو او همدارنګه د یاد پوهنځي محصلینو د عملي کارونو ترسره کولو او موډلونو نندارې ته وړاندې کولو په موخه مناسب ځای د جوړېدو چارې پیل شوې.
د دغې پروژې د پرانیستي پر مهال د کندهار پوهنتون رئیس شیخ مولوي عبدالرحمن طیبي د ا.ا.ا له مشرانو او په ځانګړي ډول لوړو زده کړو وزارت څخه مننه وکړه، چې تحصیلي ادارو ته ډېره پاملرنه کوي.
هغه همدار زیاته کړه چې د انجنیري پوهنځي ودانۍ د پاتې چارو د بشپړولو تر څنګ یو پارک، چې د دغه پوهنځي د بېلا بېلو څانګو محصلین به پکې عملي کارونه ترسره کوي او موډلونه به پکې نندارې ته وړاندې کوي، هم جوړیږي چې دوې فوارې، چمن او ګلدانونه به ولري.
نېټه: شنبه
۱۴۴۶ هـ.ق د شعبان ۲مه
۱۴۰۳ هـ.ش د سلواغې ۱۳مه
۲۰۲۵ م د فبروري لومړۍ
