د لوړو زده کړو سرپرست وزیر پکتیا ولایت ته د خپل رسمي سفر په ترڅ کې د پکتیا پوهنتون او همدارنګه د عبدالله بن مبارک رحمه الله دیني جامعې له رهبري، استادانو او اداري کارکوونکو سره ناسته وکړه او هغوی ته یې اړینې سپارښتنې وکړې.
د لوړو زده کړو سرپرست وزیر محترم شیخ الحدیث مولوي نداء محمد ندیم پکتیا ولایت ته د خپل رسمي سفر په ترڅ کې د پکتیا پوهنتون او همدارنګه د عبدالله بن مبارک رحمه الله دیني جامعې له رهبري، استادانو او اداري کارکوونکو سره ناسته وکړه او هغوی ته یې اړینې سپارښتنې وکړې.
د ناستې پرمهال محترم شیخ صاحب اړونده کار کوونکي خپلو دندو ته متوجه کړل او ویې ویل: « په حکومت او نظام کې هر ارګان جلا دندې او مسؤلیتونه لري، خو د لوړو زده کړو وزارت د کارکوونکو او استادانو دندې او مسؤلیتونه د علم نشر او د هېواد د بچیانو سالمه روزنه ده، چې دا خورا مهمه او مقدسه وجیبه ده»
هغه همداراز استادانو ته په خطاب کې وویل، چې د استادانو د تقرر په برخه کې اوږده پروسه یې اسانه او ساده کړې، چې د وخت د ضایع کېدو مخنیوی پکې شوی او له استادانو یې وغوښتل چې د تحصیلي نظام پرمختګ په برخه کې خپلې سالمې مشورې له دغه وزارت سره شریکې کړي.
په ناسته کې همدارنګه د پکتیا پوهنتون او عبدالله بن مبارک رحمه الله دیني جامعې مسؤلینو او استادانو خپلې ستونزې او وړاندیزونه د لوړو زده کړو محترم سرپرست وزیر سره شریک کړل، چې د نوموړي لخوا پوره ډاډ ورکړل شو.
نېټه: سه شنبه
۱۴۴۶ هـ.ق، د شعبان ۱۲مه
۱۴۰۳ هـ.ش، د سلواغې ۲۳مه
۲۰۲۵ م، د فبروري ۱۱مه
