د ۱۳۹۹ لمريز کال د کانکور پايلې اعلان شوې
د کمیت تر څنګ د زده کړو کیفیت او دوام لرونکی پراختیا زموږ لومړیتوبونو څخه دي.
دغه څرګندونې د لوړو زده کړو سرپرست وزیر ډاکټر عباس بصیر د ۱۳۹۹ کال د کانکور ازموینې د پایلو د اعلان په مناسبت وکړې.
په هغه غونډه کې چې د لوړو زده کړو سرپرست وزیر ډاکتر عباس بصیر، د آزموینې ملي ادارې لوی رئیس پوهاندعبدالقدیرخموش، د چارو ادارې مرستیال عبدالکریم طوطاخیل ، د کابل ښار د پوهنې رئیس، د ولسي جرګې وکیلانو، د څلور ګونو پوهنتونونو رئیسانو، استادانو او د رسنیو استازو ګډون درلود، ښاغلي بصیر د آزموینې کمیټې د هلوځلو څخه چې یاد ازموینه يې په شفافه او سمه توګه سرته ورسوله مننه وکړه.
د لوړو زده کړو وزیر وویل: لوړزده کړو وزارت هڅه کوي چې د جذب ظرفیت لوړ کړي. نوموړي د زده کړو کیفیت د ټولنې په اقتصادي وده کې خوارا مهم وباله.
د لوړو زده کړو وزیر د کانکور شل تنو مخکښو بریالیو محصلینو ته د تبریکي ویلو تر څنګ ژمنه وکړه چې له اول نومره تر شلم نومره پورې او همداراز ص١٠٢ نور بورسونه د هر ولایت د اول نومره څخه تر دریم نومره پورې به ورکړي.
پوهاند عبدالقدیر خموش د ۱۳۹۹ کال د ازموینې پرشفافیت ټینګار وکړ او ويې ویل چې دوی هرکال د ۵۰۰ زره تنو څخه په ټول هېواد کې ازموینه اخلي، خموش وویل چې اداره يې د یو میلیون کسانو څخه د آزموینې اخستلو ظرفیت لري.
هغه وویل 200 زره داوطلبانو څخه په 1399 کال کې له ۳ زره زیات ناکام نلري او په سلو کې ۹۸ کاندیدانو د بریالیتوب نومرې اخستې دي.
په دې ناسته کې د اول نومره څخه تر لسم نومره پورې په لاندې توګه اعلان شول : شمسیه د محمد نسیم لور د کابل محمد آصف مایل لیسه نه ۳۵۳.۱۸۵ نمرو په اخستلو لومړی مقام خپل کړی او د کابل د طب پوهنځي ته بریالۍ شوې ده. نعمتالله د محفوظ الله زوی ۳۵۳.۱۳۳ نمرې کابل ، محمد مجتبی د گل حسین زوی ۳۵۰ نمرې کابل ، توریالی د سید کریم زوی ۳۴۹ نمرې بدخشان، احمد فواد د احمد رحیم زوی ۳۴۹.۷ کابل، زینالعابدین د بادار زوی ۳۴۸ نمره، احمد وثیق داحمد قسیم ۳۴۸ نمرې او نصیحه د رحیم داد لور ۳۴۸ نمرې کابل، وثیق د خیرمحمد زوی ۳۴۸ نمرې دغورولایت ا و فضل احمد د ۳۴۸ نمروپه اخستلو سره هرات د هرات ولایت څخه په ترتیب بریالي شوي دي.
