د اکاډمیکو چارو د څارنې او ارزونې ریاست، د لوړو زده کړو وزارت په چوکاټ کې یو کلیدي ریاست دی، چې د دولتي او خصوصي تحصیلي بنسټونو د څارنې، د تقنیني اسنادو پلي کولو، د تدریس کیفیت لوړولو او د یادو تحصیلي بنسټونو د ظرفیت لوړولو لپاره په ۱۳۹۸ کال، کې جوړ شو.
۱۴۰۰کال، د سلواغې ۹مه
د اکاډمیکو چارو د څارنې او ارزونې ریاست، د لوړو زده کړو وزارت په چوکاټ کې یو کلیدي ریاست دی، چې د دولتي او خصوصي تحصیلي بنسټونو د څارنې، د تقنیني اسنادو پلي کولو، د تدریس کیفیت لوړولو او د یادو تحصیلي بنسټونو د ظرفیت لوړولو لپاره په ۱۳۹۸ کال، کې جوړ شو.
دغه ریاست درې امریتونه او د اکاډمیکو چارو د ارزونې لپاره درې کمیسیونونه لري، چې غړي یې ۴۸ تنه د څلورو مرکزي پوهنتونونو علمي کادرونه او څلور تنه نور یې د خصوصي پوهنتونونو استازي دي او د خپلو دندو له لایحې سره سم فعالیت کوي.
د څارنې او ارزونې ریاست د ا.ا.ا له حاکمیت مخکې په دوو کلونو کې د خصوصي لوړو زده کړو بنسټونو اړوند د لېسانس په کچه د ۴۰ انجنیرۍ، ۳۲ د ماسټرۍ پروګرامونو، ۱۶۱ د ټولنیزو علومو اړوند پوهنځيو او همدارنګه د ۲۵ دولتي پوهنتونونو د لېسانس پروګرامونو او ۹ نورو د مافوق لېسانس پروګرامونو څخه کتنه کړې ده.
همدارنګه د اسلامي امارت له حاکمیت وروسته د اقتصادي ستونزو له امله د هېڅ کوم تحصیلي بنسټ ارزونه نه ده شوې. خو دغه ریاست د ۱۴۰۱ کال په خپل پلان کې لري، چې په اختصاصي ډول د ۷۷ خصوصي تحصیلي بنسټونو ۱۸۵ پوهنځي په ولایتونو کې او د ۳۹دولتي پوهنتونونو روزانه او شپانه مافوق لېسانس پروګرامونو ارزونه وکړي.
د یادولو وړه ده چې په تېر حکومت کې د څارنې او ارزونې ریاست له ارزونو څخه د لوړو زده کړو وزارت مقام پوره او لازم ملاتړ نه ده کړی.
دغه ریاست هیلهمن دی چې ا.ا.ا به یې د خصوصي او دولتي پوهنتونونو او لوړو زده کړو موسسو د څارونو او ارزونو د پایلو ملاتړ وکړي.
د خصوصي او دولتي تحصیلي بنسټونو د څارنې او ارزونې پروګرام، د تحصیلي بنسټونو د څارنې او ارزونې د دندو لایحې ۲۲مې مادې پر اساس ده او په پلان کې یې شاملیږي.
په اړوند کمیسیون کې د دولتي او خصوصي تحصیلي بنسټونو لېست، د کمیسیون د ارزونې د لید پر اساس د تحصیلي بنسټ د ارزونې ټاکل، د وخت او څانګې پر اساس د مسلکي ټیم د غړو ټاکل، اړوند تحصیلي بنسټ ته د رسمي اېمېل او مکتوب پر اساس د ارزونې ټيم ټاکل او د چک لېست او پوښتنو له لارې ارزونه.
همدارنګه د اداري تشکیلاتو، علمي کادر، محصلانو چارو، تحصیلي نصاب، سرچینو، اسانچارو او د تحصیلي بنسټ د امکاناتو ارزونه کېږي.
د ارزونې کمېټې له لارې د اکاډمیکو چارو د څارنې او ارزونې ریاست ته د تحصیلي بنسټ په اړه ابتدایي راپور ورکول، د کمیسیون د غړو له تایید وروسته، د تاییدۍ لپاره د اروزنې د پایلو لېږل رهبري شورا ته او کله چې په رهبري شورا کې تایید شول، د اړوندو لوړو زده کړو له بنسټونو سره شریک کېږي او اړوند تحصیلي بنسټ د مکتوب له صدور وروسته تر یوې اونۍ پورې، که چېرې د ارزونې له پایلو راضي نه وي، د استیناف غوښتنه کولی شي، چې له یادې نېټې وروسته د تقنیني استادو پر اساس لازمې پرېکړې کېږي.
