د دولتي پوهنتونونو او زوني مسؤلینو ته د دیني اسنادو د ارزیابۍ پروسې پیل کېدو اړوند معلومات وړاندې او لازمې سپارښتنې وشوې.
۸/۱۰/۱۴۴۳
د دولتي پوهنتونونو او زوني مسؤلینو ته د دیني اسنادو د ارزیابۍ پروسې پیل کېدو اړوند معلومات وړاندې او لازمې سپارښتنې وشوې.
د لوړو زده کړو وزارت د دعوت او ارشاد رئیس شاکرالله وحدت په مشرۍ د انلاین(پر لیکه) ناستې له لارې د دولتي پوهنتونونو او زوني مسؤلینو ته د دیني اسنادو د ارزیابۍ په هکله معلومات وړاندې او لازمې سپارښتنې وشوې.
په دې انلاین ناسته کې د لوړو زده کړو وزارت د دعوت ارشاد رئیس شاکرالله وحدت له یادو مسؤلینو غوښتل، چې په کارونو کې له صداقت کار واخلي او د جعل کارۍ مخه ونیسي.
دغه راز نوموړي وویل: " د دیني اسنادو د ارزیابۍ په پروسه کې باید له قوم پرستۍ او سمت پرستۍ ځان وساتل شي او د ټولو غوښتونکو کارونو ته پر وخت رسېدنه وشي."
همدارنګه په یاده ناسته کې د ګډونوالو نظرونه واورېدل شول او د هغوی پوښتنو ته ځوابونه ورکړل شول.
