د بهرنیو اړېکو او بورسونو د تنظیم ریاست لاسته راوړنې
20/12/1443
28/4/1401
د بهرنیو اړېکو او بورسونو د تنظیم ریاست د لوړو زده کړو وزارت د قوانینو، پالېسیو، مقرراتو او لوایحو په تطبیق کولو سره، د بهرنیو اړېکو، فرهنګي چارو، د بورسونو د تنظیم او مدیریت برخو کې له داخلي او بهرنیو تحصیلي بنسټونو سره په ګډه چارې ترسره کوي.
په هېواد کې د ا.ا.ا له حاکمیت وروسته شاوخوا اته هېوادونو او بېلابېلو تحصیلي بنسټونو افغان محصلینو ته د لېسانس، ماسټرۍ او دوکتورا په سطحه(۵۲۲) سکالرشیپونه ورکړي، چې په دې برخو کې یاد ریاست له محصلینو سره خپله همکاري کړې او لا هم دوام لري.
دغه راز (۲۷۱) تنه د پوهنتونونو استادان، کارکوونکي او محصلان، چې (۲۳) تنه یې د لېسانس، (۱۱۸) تنه یې د ماسټرۍ او (۱۳۰) تنه د دوکتورا په برخو کې، د زده کړو په موخه د سیمې او نړۍ پوهنتونونو ته استول شوي دی.
همدارنګه د دولت په لګښت (۱۹۸) تنه محصلان د لېسانس، ماسټرۍ او دوکتورا په کچه د زده کړو لپاره د مالیزیا، ازبیکستان او ایران هېوادونو ته استول شوي او اوس مهال په زده کړو بوخت دي.
د لوړو زده کړو وزارت د بهرنیو اړېکو او بورسونو د تنظیم ریاست د بورسونو د تنظیم او ورته نورو برخو کې فعال ریاست دی، چې تل یې د افغان محصلینو او ورته نورو برخو کې فعالیتونه ترسره کړي دي.
