د نجونو لپاره د لېسانس په کچه د اندونیزیا هېواد د تحصیلي بورسونو خبرتیا

د اندونیزیا هېواد وحید هاشم پوهنتون لوړو زده کړو وزارت ته د نجونو لپاره د لېسانس په کچه د ۱۵ تحصیلي بورسونو خبر ورکړی دی.

د بورسونو د اړتیا وړ اسناد او شرایط:

•         شهادتنامه او د ښوونځي درې کلنې نومرې چې سلنه یې لږ تر لږه ۷۰٪ وي

•         د تابعیت پېژندپاڼې درلودل

•         د پاسپورټ درلودل چې د باور وخت یې لږ تر لږه ۲ کاله وي

•         د داوطلب عمر باید له ۲۲ کالو زیات نه وي

•         د داوطلب ټول اسناد باید په انګرېزي ژبه ژباړل شوي وي

•         داوطلب باید د اندونیزیا ښاروند نه وي

•         نوملیکنه په انلاین بڼه په www.pmb.unwahs.as.id وېبپاڼه کې کېږي او د نوملیکنې وروستۍ نېټه د ۲۰۲۱ کال د اګېسټ ۷مه ده چې د ۱۴۰۰ کال د زمري له ۱۶مې سره سمون لري، او له ټاکل شوي وخت وروسته داوطلبان نه منل کېږي

•         د یادو بورسونو په اړه د لا زیاتو معلوماتو لپاره له   pmb@unwahas.ac.idبرېښنالیک سره اړیکه ونیسي

د بورس امتیازونه:

•         د پوهنتون د فیس لګښت، د ژبې د زده کړې فیس، د اوسېدو ځای، روغتیایي بیمه او په پوهنتون کې نوملیکنه وړیا ده.

•         د الوتکې ټکټ او نور لګښتونه پخپله د داوطلب پر غاړه دي.

نو ټولو د شرایطو وړ مینوالو ته خبر ورکول کېږي چې که غواړي په یاد هېواد کې تحصیلي بورسونو ته نوملیکنه وکړي، په پورته وېبپاڼه کې له انلاین نوملیکنې سربېره کولای شي چې د نوملیکنې او فورم اخیستلو لپاره د لوړو زده کړو وزارت منښت ۲۱مې عمومي غرفې ته له خپلو اصلي اسنادو سره یو ځای ورشي او خپل اسناد د ۲۰۲۱ کال د جولای ۲۵مې پورې چې د ۱۴۰۰ کال د زمري له ۳یمې سره سمون لري، بېرته دغه وزارت ته وسپاري.

دانلود