د افغانستان د دوامداره پرمختیا لپاره د صنعتي انقلاب داخلي کنفرانس په دویمه ورځ ۳۶ مقالې وړاندې شوې
په البیروني پوهنتتون کې «د افغانستان د دوامداره پرمختیا لپاره د صنعتي انقلاب داخلي کنفرانس» په دویمه ورځ د استادانو او څېړونکو له لوري د یاد پوهنتون په دوو تالارونو کې ۳۶ علمي ـ څېړنیزې مقالې وړاندې او د کنفرانس ګډونوالو پوښتنو ته ځوابونه وویل شول.
دغه راز د کانونو او پټرولیم وزارت د پلان او پالیسۍ معین شیخ عبدالرحمن قانت په یاد کنفرانس کې ګډون او وینا وکړه او ویې ویل چې دغه کنفرانس د البیروني پوهنتون او لوړو زده کړو وزارت له لوري د هېواد د علمي او صنعتي ودې په موخه جوړ شوی دی.
نوموړي د دغه ډول علمي کنفرانسونو جوړېدل د افکارو د تبادلې، د تجربو شریکولو او د نويو علمي لارو چارو موندلو لپاره مهم وبلل.
نېټه: چهارشنبه
۱۴۴۷هـ.ق، د ربیع الال ۱۰مه
۱۴۰۴هـ.ش، د سنبلې ۱۲مه
۲۰۲۵م، سپټمبر ۳م
