د بغلان پوهنتون رئیس او اداري مرستیال د یو لړ مراسمو په ترڅ کې، د دې پوهنتون استادانو او کارکوونکو ته ور وپيژندل او په کار یې پيل وکړ
شنبه، ۳۰ سلواغه ۱۴۰۰
د بغلان پوهنتون رئیس او اداري مرستیال د یو لړ مراسمو په ترڅ کې، د دې پوهنتون استادانو او کارکوونکو ته ور وپيژندل او په کار یې پيل وکړ.
په دې مراسمو کې د بغلان پوهنتون علمي مرستیال پوهنمل ډاکتر نجيب الله رحمت زي،
د ا،ا،ا رهبرۍ مقام له لوري د بغلان پوهنتون د رئیس په توګه د محترم پوهنیار ګل الرحمن رحماني او د مالي او اداري مرستیال په توګه د محترم مجیب الرحمن قلندر ټاکلو حکم ولوست او د دوی ته یې د مبارکۍ مراتب وړاندې کړل.
دغه راز نوموړي د بغلان پوهنتون له پخواني رئیس پوهنیار عبدالقادر مهان څخه، د دغه پوهنتون د ښه والي او پرمختګ لپاره له صادقانه هڅو او فعالیتونو څخه مننه وکړه.
ورپسې د بغلان پوهنتون نوي رئیس پوهنیار ګل الرحمن رحماني د لوړو زده کړو وزارت د رهبرۍ او د ا،ا،ا مقام رهبرۍ له باور څخه مننه وکړه او ویې ویل، چې د دغه ستر مسؤلیت د سرته رسولو لپاره به پرله پسې هڅې وکړي او د دیني او ملي ارزښتونو او د ا،ا،ا پالېسۍ سره سم به د بغلان پوهنتون د علمي او تحصیلي کچې د لوړولو په موخه خپل کاري پروګرامونه په لاره واچوي.
د یادولو وړ ده چې پوهنیار ګل الرحمن رحماني تر دې وړاندې د بغلان پوهنتون د شرعیاتو پوهنځي د اسلامي علومو د څانګې د علمي کادر غړی و
