د بنسټيزې پراختیا د حل لارو د شبکې رييس د لوړو زده کړو له وزير سره د ويډيو کنفرانس له لارې خبرې وکړې
د تلپاتې پراختیا د حل لارو شبکې (SDSN) رییس د لوړو زده کړو وزارت سره د یوې ویډیويي ناستې په لړ کې په هغو ستونزو او زده کړو چې وکولای شي د چاپیریال زیان کابو کړي خبرې وکړې.
د لوړو زده کړو وزیر ډاکټر عباس بصیر له یاد نوښت څخه په ملاتړ سره؛ د هغو پراختیاوو په تړاو چې وکولای شي د چاپیریال د ستونزو په هوارولو کې افغانستان سره مرسته وکړي د روزنې په برخه کې یې د لوړو زده کړو وزارت برنامې بیان کړې.
د لوړو زده کړو وزیر دافغانستان وضعیت په تړاو د حل لارو په وړاندې کولو سره وویل؛ چې دلوړو زده کړو وزارت د چاپیریال ساتنې اړوند څانګو له لارې د افغانستان په علمي بنسټونو کې کولای شي؛ د چاپیریال برخه کې محصلانو ته د عامه پوهاوي په ورکولو سره هغوی د چاپیریال په تړاو ستونزو پر وړاندې بسیج کړي.
د افغانستان د تلپاتې پراختیا د حل لارو شبکې رییس، علي احمد یوسفي د لوړو زده کړو وزارت څخه په مننې سره وویل؛ چې افغانستان کې د زمینې برابرولو او حل لارو موندلو پرته تلپاتې حل لارو ته رسېدنه ممکن نده.
علي احمد یوسفي زیاته کړه چې د تلپاتې پراختیا موخو ته د رسېدو لپاره اړینه ده چې له داخلي روزنیزو بنسټونو او د ملګرو ملتونو د تلپاتې پراختیا حل لارو شبکې سره همغږي وساتل شي.
