د خصوصي لوړو زده کړو وزارت د مشورتي بورد ناسته دایره شوه
د خصوصي لوړو زده کړو رهبري شورا غونډه د لوړو زده کړو وزير ډاکټر عباس بصير په مشرۍ جوړه شوه. په دې غونډه کې د لوړو زده کړو وزارت معينانو، د یاد وزارت او د خصوصي پوهنتونونو يو شمېر رييسانو هم ګډون کړی و.
د لوړو زده کړو وزير د خصوصي لوړو زده کړو مشورتي بورډ د جوړولو له کبله د خوښۍ په څرګندولو سره، دوی د مثبت او سالم تعامل او د دواړو لوريو د ګډو همکاريو په برخه کې د لوړو زده کړو د ودې او پياوړتیا په موخه اغېزمن وباله.
ډاکټر عباس بصير وويل چې د خصوصي لوړو زده کړو په بنسټونو کې د پياوړو وړتیاوو د ارزولو، د وړ حللارو او ستونزو د تشخيص له پاره د يوه ملي سمپوزيم د جوړولو طرحه له ولسمشر سره شريکه شوې او ولسمشر يې هم هرکلی کړی چې د خصوصي لوړو زده کړو بنسټونو د برابرښت او لوړو زده کړو بنسټونو د پرمختګ له پاره به اغېزمنه وي.
وروسته د لوړو زده کړو وزير او معينانو او د خصوصي پوهنتونونو او لوړو زده کړو د بنسټونو استازو له اجنډا او د مشورتي بورډ له يادو فعاليتونو سره سم، د اداري جوړښت او د دې بورډ جلسو د وخت تنظيم، د پوهنتونونو او لوړو زده کړو موسسو د ټولنو وړانديز شوې طرحه، په ترکيبي طريقې سره د تدريس په لارو او همداراز د خصوصي لوړو زده کړو د موسسو د ملي سمپوزيم جوړولو په اړه بحث وکړ، همداراز یوه کمېټه جوړه او دنده ورکړل شوه څو په راتلونکې غونډه کې د پورته موضوعاتو د ترسره کولو له پاره خپلې طرحې وړاندې کړي.
