د دیني جامعاتو او تخصصاتو ریاست او د عبدالله بن مسعود جامعې کارمندانو ته د لوړو زده کړو وزارت د بشري سرچینو ریاست د ظرفیت لوړونې آمریت له لورې شپږ ورځنی ښوونیز ورکشاپ په بریالي ډول ترسره شو.
په دغه ورکشاپ کې د یادو ریاستونو 53 کارمندانو ګډون کړی و، چې د پلان جوړونې اهمیت، په اداري چارو کې د پلان رول، د پلان چمتو کولو څرنګوالی او د پلان جوړونې اړوند نور موضوعات زده کړل.
همداراز د ظرفیت لوړونې آمر عبیدالله مولایي له لورې کارمندانو ته د اداري چلند په اړه لازمې خبرتیاوې هم وړاندې شوې.
د دغې پروګرام په پای کې د عبدالله بن مسعود جامعې رئیس شیخ عبدالمالک نیازي د بشري سرچینو ریاست د ظرفیت لوړونې آمریت څخه د مننې ترڅنګ د ورکشاپ ګډون کوونکو کارمندانو څخه وغوښتل، چې د غوره خدماتو وړاندې کولو په موخه ورسپارل شویو چارو کې د ورکشاپونو مهمو موضوعاتو څخه اعظمي ګټه پورته کړي.
یاد پروګرام د ورکشاپ ګډونوالو ته د تصدیقونو په ورکړې او د خیر په دعا سره پای ته ورسېده.
نېټه: یکشنبه
۱۴۴۴/۴/۲۵هـ.ق ۱۴۰۱/۸/۲۹هـ.ش ۲۰۲۲/۱۱/۲۰
د لوړو زده کړو وزارت مطبوعاتي دفتر
