د لوړو زدهکړو سرپرست وزیر د رسمي سفر په ترڅ کې د تخار پوهنتون له استادانو سره ناسته وکړه او د هغوی وړاندیزونه او ستونزي يې واورېدې.
په یاده ناسته کې د لوړو زدهکړو سرپرست وزیر شیخ الحدیث مولوي نداء محمد ندیم صاحب وويل: « موږ ته خپل کدرونه ارزښت لري او هر ډول همکاري ته یې ژمن یو. دغه راز نوموړي وویل، چې هغه استادان چې افغان ځوانانو ته د درس ورکولو په برخه کې حریص او لیواله دي؛ موږ یې ملاتړ کوو او هر ډول درسي امکانات په واک کې ورکوو ترڅو د محصلینو سالمه روزنه وکړي.»
وروسته د یاد پوهنتون مشرتابه او استادانو سرپرست وزیر ته ښه راغلاست ووایه او خوښي يې وښوده چې سرپرست وزیر له یاد پوهنتون څخه له نږدې لیدنه وکړه او د دوی اړوندو مشکلاتو او وړانديزونو اورېدلو ترڅنګ یې په یاد پوهنتون کې پنځه بېلابېلې پروژې افتتاح کړې.
همدارنګه سرپرست وزیر هم د ستونزو د حل ډاډ ورکړ او په اړونده چارو کې یې لازمې سپارښتنې ورته وکړې.
