د لوړو زده کړو سرپرست وزیر ترکیې ته له رسمي سفر وروسته بېرته هېواد ته راستون شو.
۱۴۴۳/۱۱/۲۵
۱۴۰۱/۴/۴
د لوړو زده کړو سرپرست وزیر ترکیې ته له رسمي سفر وروسته بېرته هېواد ته راستون شو.
د لوړو زده کړو سرپرست وزیر الحاج مولوي عبدالباقي حقاني او ورسره پلاوی، چې د ترکیې په غوښتنه یاد هېواد ته په رسمي سفر تللی و، نن بېرته هېواد ته راوګرځېد.
د لوړو زده کړو سرپرست وزیر د دغه سفر په ترڅ کې د یاد هېواد د لوړو زده کړو شورا لوی رئیس، د دیني چارو رئیس، د دیني اوقافو رئیس، د بورسونو رئیس، د دارالافتاء رئیس، مخورو شخصیتونو او د ترکیې د معارف د نړۍوالو ښوونځیو له رئیس سره لېدنې ترسره کړې. دغه راز له هغوی سره یې تجربې او نظرونو تبادله کړل او د افغانستان تحصیلي برخو کې یې ترې د همکارۍ غوښتنه وکړه، چې د ترکیې هېواد بېلابېلو مسؤلینو له لوري د همکاریو ډاډ ورکړل شو.
د لوړو زده کړو سرپرست وزیر د يادو لیدنو ترڅنګ د تحصیلي بنسټونو، د اسلامي علماؤ د نړېوال دفتر او د علمي اسلامي څېړنیز مرکز څخه هم لیدنې وکړې.
