د لوړو زده کړو سرپرست وزیر میدان وردګ ولایت ته د خپل کاري سفر په ترڅ کې د وردګ لوړو زده کړو مؤسسې څخه لیدنه وکړه.
د لوړو زده کړو سرپرست وزیر شیخ الحدیث مولوي نداء محمد ندیم صاحب، چې د هېواد تحصیلي وضیعت عمومي ارزونې په موخه یې بېلابیلو ولایتونو ته سفرونه پیل کړي دي، پر دوام یې د میدان وردګ ولایت دولتي لوړو زده کړو مؤسسې څخه لیدنه وکړه او د یادې مؤسسې په تړاو یې د مسؤلینو ستونزې او وړانديزونه واورېدل.
د لوړو زده کړو سرپرست وزیر د وردګ لوړو زده کړو مؤسسې تحصیلي وضیعت عمومي ارزونې ترڅنګ مسؤلینو او منسوبینو ته په چارو کې د اسلامي او ملي ارزښتونو په پام کې نیولو سپارښتنې وکړې او همدارز یې ډاډ ورکړ، چې د چارو د لا ښه والي او منظموالي په موخه به یې ټولو ستونزو ته د حل لارې پیدا کړي او وړاندیزونه به یې شته امکاناتو ته په کتو پوره کړي.
نېټه: دوشنبه
۱۴۴۴/۵/۱۸هـ.ق ۱۴۰۱/۹/۲۱.ش ۲۰۲۲/۱۲/۱۲م
