د لوړو زده کړو مالي او اداري مرستیال د امارتي ادارو او وزارتونو د ساده کولو حمایوي پروسې په پرانیستغونډه کې ګډون او وینا وکړه
د لوړو زده کړو وزارت مالي او اداري مرستیال الحاج مولوي حافظ محمد حامد حسیب په یاده غونډه کې په لوړو زده کړو وزارت کې د ساده شویو پروسو په اړه معلومات وړاندې کړل او د اداري چارو ساده کول او یو شان کول یې په اداري سیسټم کې مهم او اړین وبلل.
هغه همدا راز زیاته کړه چې د اداري پروسو ساده کولو او یو شان کولو په واسطه چارې په خپل وخت ترسره کیږي او د هېوادوالو لپاره ډېرې اسانتاوې رامنځ ته کېږي.
د لوړو زده کړو وزارت مالي او اداري مرستیال د چارو ادارې لوی ریاست د اداري اصلاحاتو او ملکي خدمتونو ریاست له مسؤلینو څخه مننه وکړه، چې د ا.ا.ا له حاکمیت وروسته یې ډېرې اداري پروسې ساده او یو شان کړې دي.
د یادونې وړ ده چې دغه غونډه د ارګ په سلامخانۍ ماڼۍ کې جوړه شوې وه، چې د ریاست الوزراء اداري مرستیال محترم مولوي عبدالسلام حنفي سربېره د شاوخواه ۵۲ وزارتونو او ادارو معینانو او عمومي رئیسانو پکې ګډون کړی و.
نېټه: یکشنبه
۱۴۴۶ هـ.ق د شعبان ۳مه
۱۴۰۳ هـ.ش د سلواغې ۱۴مه
۲۰۲۵ م د فبروري ۲مه
