د لوړو زده کړو وزارت د بشري سرچینو ریاست له لوري د څلورو دائر شویو ورکشاپونو فارغانو ته تصدیق پاڼې وویشل شوې.
د لوړو زده کړو وزارت د بشري سرچینو ریاست د کارکوونکو د ظرفیت لوړونې په موخه په بېلابېلو وختونو کې د شخړو حل مدیریت، د اداري پروسیجر سره بلدتیا، Word او Windows Tools ورکشاپونه دائر کړي وو، د یادو ورکشاپونو ګډونوالو ته د بشري سرچینو رئیس له لوري تصدیق پاڼې وویشل شوې.
د غونډې په پیل کې د بشري سرچینو رئیس مفتي عبدالکریم امیري ګډونوالو ته په خطاب کې وویل چې، انسان باید د ژوند په هر پړاو کې د علم زده کولو تلوسه ولري، هغه همدارنګه ګډونوال وستایل چې د علم یادولو ته وخت ورکړی دی.
نوموړي زیاته کړه چې، د بشري سرچینو ریاست راتلونکو ورځو کې هم د ورته ورکشاپونو دائرولو پلان لري.
همداراز ګډونوالو د نورو ورکشاپونو د ښه والي لپاره خپل وړاندیزونه شریک کړل.
په پای کې ټولو ګډونوالو ته تصدیق پاڼې وویشل شوې.
