د لوړو زده کړو وزارت د خصوصي محصلانو چارو ریاست چې د خصوصي تحصیلي بنسټونو ...
د لوړو زده کړو وزارت د خصوصي محصلانو چارو ریاست چې د خصوصي تحصیلي بنسټونو د محصلانو او فارغ التحصیلانو لپاره کار کوي، د ا.ا.ا له بریا تر دې مهاله یې 50 زره تحصیلي سندونه، مکتوبونه، د نتایجو جدولونه او د ادارو استعلامونه طی مراحل کړي دي.
همدارنګه په تېرو ۶ میاشتو کې دغه ریاست 8396 قطعې سرټفیکټونه او د نومرو ترانسکرېپونه، 14933 قطعې استعلامونه او د کار موندنې فورمې، 599 قطعې ډیپلومونه او 20561 قطعې مکتوبونه طی مراحل کړي دي.
د خصوصي محصلانو چارو ریاست مسؤلان وایي چې په یاده موده کې 241 جلده د فراغت جدولونه، 1126 جلده سمستروار نتایج او 108 جلده د شمولیت د اساس جدولونه له خصوصي تحصیلي بنسټونو راټول، طی مراحل او ارشیف شوي دي.
د 2971 جلده د فراغت جدولونو سکن کول، د 1192 محصلانو د تبدیلۍ د اسنادو طی مراحل کول او د شمولیت د اساس پر بنسټ د لومړي سمستر د محصلانو د 196 جلده نتایجو پلي کول، نور هغه فعالیتونه دي چې د ا.ا.ا له حاکمیت وروسته دغه ریاست کړي دي.
په وروستیو میاشتو کې د خصوصي محصلانو چارو ریاست د ازموینو ملي ادارې سره د خصوصي پوهنتونونو او لوړو زده کړو مؤسسو د ازموینو په اخیستلو کې همکاري وکړه، چې د ازموینو څو پړاوونه یې په بریالۍ توګه ترسره کړل.
د لوړ زده کړو وزارت د خصوصي محصلانو چارو ریاست زیاتوي، چې له اړوندو ادارو سره په همغږۍ د خصوصي تحصیلي بنسټونو د فارغ التحصیلانو لپاره به د غوره تحصیلي خدمتونو د وړاندې کولو په برخه کې هېڅ ډول هڅې ونه سپموي.
