د لوړو زده کړو وزارت د دعوت او ارشاد رئیس له ګوهار شاد خصوصي لوړو زده کړو مؤسسې څخه لیدنه او څارنه وکړه.
1401/3/25
1443/11/15
د لوړو زده کړو وزارت د دعوت او ارشاد رئیس له ګوهار شاد خصوصي لوړو زده کړو مؤسسې څخه لیدنه او څارنه وکړه.
د لوړو زده کړو وزارت د دعوت او ارشاد رئیس شیخ شاکرالله وحدت د خصوصي لوړو زده کړو بنسټونو څخه د لیدنې پر دوام له ګوهر شاد خصوصي لوړو زده کړو مؤسسې څخه لیدنه وکړه او د یادې مؤسسې له مسؤلینو، استادانو او محصلینو سره د لیدنې پر مهال یې د علم پر ارزښت او د علم په حاصلولو کې حکمت په اړه خبرې وکړې او په دغه مؤسسه کې یې د دعوت او ارشاد د پروګرامونو پر عملي کولو ټينګار وکړ.
د دعوت او ارشاد رئیس همدارنګه د تحصیلي بنسټونو له مسؤلینو وغوښتل، چې ټولنې ته په الهي دستوراتو او نبوي سنتو سمبال محصلین وړاندې کړي.
د ګوهر شاد خصوصي لوړو زده کړو مؤسسې رئیس محمد علي اخلاصي د لوړو زده کړو وزارت د دعوت او ارشاد رئیس له لارښوونو او سپارښتنو د مننې تر څنګ، ژمنه وکړه چې د محصلینو د روزنې په برخه کې به د اسلامي او ملي ارزښتونو او همدا راز د لوړو زده کړو وزارت د لارښوونو د عملي کولو په برخه کې پوره هڅه وکړي.
