د لوړو زده کړو وزارت د رهبري شورا ناسته، د دغه وزارت سرپرست وزیر شیخ الحدیث مولوي نداء محمد ندیم صاحب په مشرۍ تر سره شوه.
د ناستې په پیل کې د لوړو زده کړو سرپرست وزیر د دغه وزارت ټولو مسؤلینو ته سپارښتنه وکړه چې له خلکو سره په کارونو کې له اسانۍ کار واخلي. دغه راز نوموړي د تېرو شورا پرېکړو پر عملي کولو او تعقیب د ټینګار تر څنګ وویل، چې د ا.ا.ا یوه ځانګړنه دا ده چې همېشه خپلې پرېکړې عملي کوي.
همدارنګه د تېرو شوراګانو پرېکړو ته لنډه کتنه وشوه او د اړوندو کمېټو راپورونه واورېدل شول.
وروسته له اجنډا سره سم د شورا غړو د دیني علماء کرامو د اسنادو د ارزونې، د کادري ازموینې د څرنګوالي، د استادانو د رهایشي اپارتمانونو او نورو اړوندو موضوعاتو په اړه بحث او لازمې پرېکړې وشوې.
نېټه: چهارشنبه
۱۴۴۴/۶/۱۱هـ.ق ۱۴۰۱/۱۰/۱۴هـ.ش ۲۰۲۳/۱/۴م
