د لوړو زده کړو وزارت د علمي معینیت شورا غونډه د علمي معین دوکتور لطف الله خیرخواه په مشرۍ جوړه شوه.
1443/10/16
1401/2/27
د لوړو زده کړو وزارت د علمي معینیت شورا غونډه د علمي معین دوکتور لطف الله خیرخواه په مشرۍ جوړه شوه.
په دې غونډه کې، د دغې شورا د تېرې غونډې پر پرېکړو لنډه کتنه وشوه او د لوړو زده کړو وزارت علمي معین د شورا له غړو وغوښتل، چې خلکو ته د غوره خدمتونو د وړاندې کولو په خاطر دې خپلې ټولې چارې د تقنیني اسنادو په رڼا کې ترسره کړي.
ورپسې د اجنډا له مخې، د پوهنتونونو د یو شمېر استادانو د ترفیع، د پوهنځیو او څانګو د علمي او اداري بستونو د تنظیم او تخصیص په اړه، چې د کانکور ازموینو د څانګو په کوډ کې یې شامل کړي او د ځینو خصوصي تحصیلي بنسټونو پر ننګونو بحث او خبرې وشوې.
همدارنګه د لوړو زده کړو وزارت د علمي معینیت شورا غړو د دولتي کادري روغتونونو او پر یو شمیر نورو مهمو موضوعاتو نظرونه تبادله کړل او د اړتیا وړ لازم تصمیمونه یې ونیول.
