د لوړو زده کړو وزارت د پلاوي په همکارۍ افغانستان خصوصي لوړو زده کړو مؤسسې خپلې تدریسي چارې بېرته پیل کړې.
د افغانستان خصوصي لوړو زده کړو مؤسسې څه موده وړاندې په خپل سر او غیر اصولي ډول فعالیت درولی و او خپل محصلین یې بې سرنویشته پرېښي وو، چې د لوړو زده کړو وزارت د مشرتابه د حکم پر اساس د دغه وزارت د علمي پروګرامونو د پراختیا رئیس په مشرۍ یوه با صلاحیته پلاوي د افغانستان خصوصي لوړو زده کړو مؤسسې له حالت څخه له نېږدې لیدنه وکړه او د یادې مؤسسې له مسؤلینو سره یې خبرې وکړې.
د لوړو زده کړو وزارت پلاوي د یادې مؤسسې د مسؤلینو ستونزې او وړاندیزونه واورېدل، د ستونزو په برخه کې یې د همکارۍ ډاډ ورکړ او سپارښتنه یې ورته وکړه چې بېرته خپلې تدریسي چارې پیل او د محصلینو ستونزو ته رسېده ګي وکړي.
د یادولو وړ ده چې د افغانستان خصوصي لوړو زده کړو مؤسسې د لوړو زده کړو وزارت په همکارۍ او ملاتړ سره خپلې تدریسي چارې بېرته پیل او محصلینو ته یې اعلان وکړ چې سر له سبا څخه، چې له (۲۷ / حمل / ۱۴۰۲ هـ ش) نېټې سره سمون خوري، بېرته خپلو درسونو ته حاضر شي.
