د لوړو زده کړو وزارت د کیفیت د تضمین او اعتبار ورکولو ریاست غونډه د هېواد د تحصیلي بنسټونو د اعتبار ورکولو پروسې په بېلابېلو پړاوونو کې د بې مسؤلیتۍ فورم د تشریح او توضیح په موخه جوړه شوه
.
په دې غونډه کې اتو اړوندو ریاستونو د اعتبار ورکولو په بهیر کې برخه اخیستې وه.
د لوړو زده کړو وزارت د کیفیت د تضمین او اعتبار ورکولو رئیس شاکر وحیدي د غونډې په پیل کې، بې مسؤلیتي د تحصیلي بنسټونو د اعتبار ورکولو د پروسې مهمه برخه یاده کړه او زیاته یې کړه، چې د دې ریاست د معیارونو پلي کول به د هېواد تحصیلي سیستم پیاوړی او د ځوانانو لپاره به ښه تحصیلي زمینه برابره کړي.
وروسته د کیفیت د تضمین بورډ غړي پوهنوال دوکتور امان الله فقیري د بې مسؤلیتۍ فورم په اړه پریزنټیشن وړاندې کړ او د اعتبار ورکولو پروسې د مرحلو په اړوند یې د ګډونوالو پوښتنو ته ځوابونه وویل.
د بې مسؤلیتۍ فورم کې، د هر ریاست مسؤلیتونه او مکلفیتونه مشخص شوي ترڅو د هغې په رڼا کې، تحصیلي بنسټونه د اعتبار ورکولو پروسې په مختلفو مرحلو کې وڅېړل شي.
