د لوړو زده کړو وزارت سرپرست وزیر د یوه پلاوي په ملتیا «د لوړو زده کړو وزارت او پوهنې وزارت وزیرانو دویمه نړیواله غونډه» کې د ګډون په موخه د فدراتیف روسيې کازان ښار ته سفر وکړ
د لوړو زده کړو وزارت سرپرست وزیر شیخ الحدیث مولوي نداء محمد ندیم نن سهار د فدارتیف روسيې کازان ښار ته سفر وکړ، چې هلته به د لوړ زده کړو او پوهنې وزيرانو په دویمه نړیواله غوڼده کې ګډون او وینا وکړي.
ټاکل شوې ده، چې د لوړو زده کړو وزارت سرپرست وزیر به همداراز په یاده غونډه کې د ګډون ترڅنګ د بېلابېلو هېوادونو د لوړو زده کړو او پوهنې وزیرانو سره هم وګوري.
هغه به همدارنګه د فدارتیف روسيې د تحصیلي مرکزونو او پوهنتونونو څخه لیدنه وکړي او په یاد هېواد کې به د افغان محصلانو وړاندیزونه او ستونزې واوري.
د یادونې وړ ده، چې یاده غوڼده به د روان کال، جوزا میاشتې په ۲۰مه نېټه پیل شي، چې د افغانستان د لوړو زده کړو وزارت سرپرست وزیر په دویم ځل پکې ګډون کوي.
