د لوړو زده کړو وزارت سر پرست وزیر الحاج مولوي عبدالباقي حقاني په مشرۍ د خصوصي لوړو زده کړو مؤسسو کمېسون ناسته ترسره شوه.
د ۱۴۰۱ هـ ش کال د جوزا ۱۱ نېټه.
د لوړو زده کړو وزارت سر پرست وزیر الحاج مولوي عبدالباقي حقاني په مشرۍ د خصوصي لوړو زده کړو مؤسسو کمېسون ناسته ترسره شوه.
د غونډې په پیل کې د لوړو زده کړو وزارت سرپرست د هېواد په تحصیلي بنسټونو کې د لوړو زده کړو وزارت د قوانینو او لارښوونو پر تطبیق د ټینګار ترڅنګ وویل:" د افغانستان د لوړو زده کړو په نظام کې دوه ډوله لوړې زده کړې شتون لري، چې دولتي او خصوصي ښوونيز بنسټونه پکې شامل دي او دولتي او خصوصي سکتورونه دواړه د دې هېواد بچيانو ته د دیني او ملي قوانینو او ارزښتونو په رڼا کې د زده کړو په موخه تعلیمي خدمتونه وړاندې کوي، چې د لوړو زده کړو وزارت د خپلو کاري مسؤلیتونو له مخې د دواړو څانګو د ستونزو د حل او د پیاوړتیا مسوولیت لري."
نوموړي زیاته کړه، چي د لوړو زده کړو وزارت د هېواد د اړتیاوو او شته امکاناتو په پام کې نیولو سره د هېواد د تحصیلي بنسټونو په ځانګړي ډول خصوصي سکتور سره د ستونزو او اړتیاوو د حل په برخه کې له هېڅ راز همکارۍ څخه دریغ نه کوي.
ورپسې د غونډې غړو، چې د لوړو زده کړو وزارت رهبري هیئت، د مرکز د څلورو پوهنتونونو رئیسانو، د خصوصي لوړو زده کړو مؤسسو د اتحادیې اجرائيه رئیس او د لوړو زده کړو وزارت سلاکارانو برخه لرله او د اجنډا له مخې يې د یادو موضوعاتو په اړه بحث او نظرونه تبادله کړل او د قانون د حکمونو سره يې سم لازم تصميمونه ونېول.
