د لوړو زده کړو وزارت علمي معین دوکتور لطف الله خیرخواه بدخشان ولایت ته د خپل کاري سفر پر دوام د بدخشان پوهنتون د ښوونې او روزنې پوهنځي تدریسي ودانۍ ګټې اخیستنې ته وسپارله.
د بدخشان پوهنتون د ښوونې او روزنې پوهنځي یاده ودانۍ، چې د لوړو زده کړو وزارت عادي بودیجې څخه د دوه میلیونه او دوه سوه زره افعانیو په لګښت بیا رغول شوې وه، د لوړو زده کړو وزارت علمي معین دوکتور لطف الله خیرخواه له خوا په داسې حال کې، چې د ياد پوهنتون رهبري غړو، د بدخشان ولایت مرستيال والي، د ښار او کور جوړونې رئیس، د یاد ولایت مستوفي، استادانو او د ښوونې او روزنې پوهنځي زده کړیالانو هم شتون درلود ګټې اخیستنې وسپارل شوه.
د لوړو زده کړو وزارت علمي معین دوکتور لطف الله خیرخواه د بدخشان پوهنتون عمومي اروزنې په موخه یاد ولایت ته سفر کړی و، چې د دغه څو ورځني سفر په ترڅ کې یې د نوموړي پوهنتون تحصیلي، اداري او د بیا رغونې چارې و ارزولې او همداراز یې بېلابېلې تدریسي ودانۍ او یو محراب مسجد ګټې اخیستنې ته وسپارل.
نېټه: شنبه
۱۴۴۴/۵/۲هـ.ق ۱۴۰۱/۹/۵هـ.ق ۲۰۲۲/۱۱/۲۶م
د لوړو زده کړو وزارت مطبوعاتي دفتر
