د لوړو زده کړو وزارت له لوري د امارتي تحصیلي بنسټونو رئیسانو ته د رهبرۍ او همغږۍ اړوند یو ورځنی سمینار دایر شو.
په دغه سمینار کې د افغان نړیوال اسلامي پوهنتون د محصلانو چارو مرستیال شیخ عبدالمالک نیازي د رهبري او مدیریت، د لوړو زده کړو وزارت مالي او حسابي رئیس عبدالباري خپلواک د بودیجوي کودونو او د هغو څرنګوالي او د تضمین کیفیت او اعتبار ورکولو رئیس استاد شاکر وحیدي د تضمین کیفیت معیارونو، سرچینو او مدیریت تر سرلیکونو لاندې خپل پرېزنټشنونه وړاندې کړل.
د یادونې وړ ده چې دغه سمینار د مرکزي ادارو او دویمي واحدونو تر منځ د ښې همغږۍ رامنځ ته کولو او ابهاماتو له منځه وړلو په موخه جوړ شوی و.
