د لوړو زده کړو وزارت له لوري د امارتي مرکزي ادارو د پلان او پالیسۍ رئیسانو لپاره د ستراتیژیک پلان د تدوین دوه ورځنۍ ورکشاپ پیل شو.
د یاد ورکشاپ په پیل کې د لوړو زده کړو وزارت علمي معین دوکتور لطف الله خیرخواه د ستراتیژیک پلان پر ارزښت خبرې وکړې او ویې ویل، چې ستراتیژیک پلان د یوې ادارې د ټاکل شوو موخو او پلانونو ته د رسېدو په برخه کې اساسي ځای لري. نوموړي زیاته چې د ستراتیژیک پلان په شتون سره په کم وخت کې ډېر کارونه او په غوره توګه ترسره کېدای شي.
وروسته د لوړو زده کړو وزارت د پلان، پالیسۍ او تقنین ریاست د کارپوهانو له لوري د ستراتیژیک پلان د تدوین په اړه ورکشاپ وړاندې شو او د ګډونوالو پوښتنو ته یې ځوابونه وویل.
د یادولو وړ ده چې دغه ورکشاپ په امارتي ادارو کې د کارونو د غوره والي او چټکتیا په موخه جوړ شوی، چې سبا به هم دوام وکړي.
