د لوړو زده کړو وزارت مالي او اداري معین له هلمند پوهنتون څخه د لیدنې پرمهال د بنسټیزو پروژو د پلي کېدو ژمنه وکړه.
د ا.ا.ا د لوړو زده کړو وزارت مالي او اداري معین حافظ مولوي محمد حامد حسیب د یادې لېدنې پرمهال وویل:« د لوړو زده کړو وزارت له لوري به هلمند ولایت ته پوره پام کېږي او د لا پرمختګ او ښه سمون په موخه به د لوړو زده کړو په برخه کي له یاد ولایت سره پوره مرسته او همکاري وشي.»
ښاغلي حسیب په یاده لیدنه کې، د هلمند پوهنتون له مسؤلینو سره په ځینو مهمو مسایلو د نظر تبادله او بحث وکړ او همدارنګه یې د ځینو رغنیزو پروژو د بشپړیدو او لا ښه پرمختګ په برخه کي ژمنې وکړې.
همدارنګه د لوړو زده کړو وزارت مالي او اداري معین د هلمند ولایت محترم والي، د ښاروالۍ او زراعت ریاستونو له مسؤلینو سره هم په جلا جلا توګه وکتل او د هلمند پوهنتون اړوند یې پر یو شمیر مهمو موضوعاتو ورسره بحثونه وکړل، چې ښې پایلې به ولري.
