د مالي او اداري معین په مشرۍ پلاوي پنجشیر لوړو زده کړو موسسې ته سفر وکړ
د لوړو زده کړو وزارت مالي او اداري معین محترم الحاج مولوي حافظ محمد حامد حسیب په مشرۍ پلاوي، چې د دغه وزارت د اداري او زېربنا رییس، د کرنې وزارت د کادستر رییس، د پنجشیر د عدلیې، کرنې، کور او ښار جوړونې او نورو اړوندو ولایتي ادارو رییسانو یې هم ملتیا کوله، د یادې موسسې د پراختیا او د ځمکې تثبیت په موخه لومړی د پنجشیر ولایت له والي الحاج حافظ محمد اغا حکیم سره ناسته وکړه.
ورپسې یاد پلاوي او د پنجشیر ولایتي ادارو رییسانو په ګډه دغه ولایت کې د پنجشیر لوړو زده کړو موسسې پراختیا او پیاوړتیا په موخه دوې قطعې ځمکې وارزولې او هر اړخیز معلومات یې تر لاسه کړل.
د یادونې وړ ده چې څه موده وړاندې د ا.ا.ا د ځانګړې پېرزوینې پر اساس د پنجشیر لوړو زده کړو موسسې لیلیې ودانۍ جوړولو لپاره ۹۰ میلیونه افغانۍ هم منظورې شوې وې.
