د هېواد د تحصیلي بنسټونو (د ښوونې او روزنې برخې د اختصاصي او مسلکي تعلیماتو، اروا پوهنې او تربیتي علومو او اروا پوهنې) څانګو د بیاکتنې او پراختیا لومړی پړاو کلسټر د لوړو زده کړو وزارت د سرپرست وزير په شتون کې پای ته ورسېد.
د یاد کلسټر د پای په مراسمو کې، چې د لوړو زه کړو سرپرست وزیر شیخ الحدیث مولوي نداء محمد ندیم صاحب او د تحصیلي نصاب د ملي کميسون رئیس مفتي عبدالرؤف فراهي او شمېر نورو رئيسانو هم شتون درلود، په پیل کې د تحصیلي نصاب د ملي کمېسیون غړي پوهندوی داود شاه فاروق د کلسټر د کار میتود په اړه معلومات وړاندې کړل او ویې ویل، چې په دې پروګرام کې په ۱۵ تحصیلي څانګو باندې کار شوی دی.
ورپسې د استادانو په استازولۍ پوهنمل مجیب الرحمن رحماني، دوکتور پوهنمل حکیم خان حقیار او پوهاند عبدالمنان حقیار خبرې وکړې، د کمېټو د کاري راپور وړاندې کولو ترڅنګ یې یو شمېر ستونزې او وړاندیزونه د لوړو زده کړو سرپرست وزیر سره شریک کړل.
چهار شنبه
نېټه: 24/4/1445 هـ ق 17/8/1402 هـ ش 8/11/2023 م
