د کابل طبي او ننګرهار پوهنتونونو د طبي تخصص د اکمال د بستونو ازموینه، د لوړو زده کړو وزارت محصلانو چارو سرپرست معین انجنیر سید اسماعیل روحاني په حضور کې واخیستل شوه.
۱۴۰۰کال، د لېندۍ ۱۱مه
د کابل طبي او ننګرهار پوهنتونونو د طبي تخصص د اکمال د بستونو ازموینه، د لوړو زده کړو وزارت محصلانو چارو سرپرست معین انجنیر سید اسماعیل روحاني په حضور کې واخیستل شوه.
د لوړو زده کړو وزارت محصلانو چارو سرپرست معین انجنیر سید اسماعیل روحاني، د ازموینې په پرانیسته کې وویل، چې لوړو زده کړو وزارت په راتلونکي کې د طبي تخصص د اکمال بستونو د زیاتوالي او ځینې نورو تدریسي روغتونونه د فعالولو په هڅه کې دی. د محصلانو چارو سرپرست معین پر روڼتیا او د طبي تخصص بستونو ته د لایقو کسانو پر لار موندې ټینګار وکړ.
د ازموینو ملي ادارې رییس پوهاند عبدالقدیر خموش وویل، چې ازموینه په شفاف ډول ده او هېڅ ډول جعل او تقلب پکې ممکن نه دی.
د کابل طبي او ننګرهار پوهنتونونو د طبي تخصص د اکمال د ۸۵ بستونو لپاره، ۳زره داوطلبانو سیالي وکړه، چې د ازموینې پایلې به، د ازموینو ملي ادارې له لوري اعلان شي.
