د کابل طبي علومو «ابو علی ابن سینا» پوهنتون د طبي تجهیزاتو د ترمیم یا (کمیونیټي کالج) شپږمې دورې آزموینه واخیستل شوه
د کابل طبي علومو «ابو علی ابن سینا» پوهنتون د طبي تجهیزاتو د ترمیم یا (کمیونیټي کالج) شپږمې دورې آزموینه واخیستل شوه.
د ازموینو ملي ادارې له لوري د دولسمو ټولګیو له ۹۴ تنو هغو فارغانو څخه، چې د کابل طبي علومو پوهنتون اړوند د طبي تجهیزاتو د ترمیم یا (کمیونیټي کالج) پروګرام لپاره یې نوم ليکنه کړې وه، ازموینه واخیسته.
د کابل طبي علومو پوهنتون رئیس پوهنیار دوکتور فضل الرحمان رحماني د آزموینې له بهیر څخه د څارنې او لیدنې پر مهال ګډونوالو ته د بریالیتوب هیله وکړه.
د یادولو وړ ده، چې د کابل طبي علومو پوهنتون کمیونیټي کالج پروګرام، چې په ۱۳۹۵ هـ ش کال کې رامنځته شوی، اساسي موخه یې د هېواد د صحي مرکزونو د طبي او الکترونیکي وسایلو د ترمیم او رغولو زده کړه ده، د یادو زده کړو موده دوه نیم کاله ده او د شمولیت ازموینه یې په کال کې یو ځل د کابل طبي علومو پوهنتون له لوري د آزموینو ملي ادارې په همکارۍ اخیستل کېږي.
