د کنړ ولایت سید جمال الدین افغاني پوهنتون کې د «اوبه زموږ ملي پانګه ده» تر عنوان لاندې علمي سمینار جوړ شو
سید جمال الدين افغاني پوهنتون کې د کمال خان بند پرانېستې په وياړ(زموږ اوبه، زموږ ملي شتمنۍ ده) تر سرليک لاندې علمي مقالې او پرېزېنټېشنونه وړاندې شول.
په دې اړه جوړه شوې غونډه کې د ياد علمي بنسټ مشر، د علمي او محصلانو چارو مرستيالانو، استادانو، اداري کارکوونکو او محصلانو ګډون درلود.
د سید جمال الدين افغاني پوهنتون رييس پوهنوال دوکتور محمد ګلاب عمري د هېواد د اوبو مديريت، کمال خان بند پر مخينې، اقتصادي، ټولنيز، کرنيز، چاپېريالي او صنعتي ارزښت او همدا راز د افغانستان د اوبو سترو زېرمو او سرچينو په اړه هر اړخيزې خبرې وکړې.
د ناستې په لړ کې درېیو محصلینو: جمال الدين صدیقي (د وګړيو پر ژوند د کمال خان بند اغېز)، عطاء الله ځلاند(د افغانستان اوبه او وېشيې) او کرم الله سعيدي(د اوبو مديريت اقتصادي ارزښت) تر سرليکونو لاندې چمتو کړې مقالې وړاندې کړې.
